ಕನ್ನಡದ ನಟ ಮತ್ತು ನಿರ್ದೇಶಕ ತರುಣ್ ಸುಧೀರ್ ಮತ್ತು ನಟಿ ಸೋನಾಲ್ ಮೊಂಥೆರೋ ಆಗಸ್ಟ್ 10 ಮತ್ತು 11 ರಂದು ವಿವಾಹವಾಗಲಿದ್ದಾರೆ. ಆಗಸ್ಟ್ 9 ರಂದು ಅರಿಶಿನ ಶಾಸ್ತ್ರ ನಡೆಯಿತು. ಸೋನಾಲ್‌ಗೆ ಆಕೆಯ ತಾಯಿ ಮತ್ತು ಸಹೋದರಿಯರು ಅಚ್ಚರಿಯ ಬ್ಯಾಚುಲರ್ ಪಾರ್ಟಿಯನ್ನೂ ನೀಡಿದ್ದಾರೆ.ಯಾವುದೇ ಆಡಂಬರವಿಲ್ಲದೆ ಮಾಡಿದ ಮದುವೆ ಕಾರ್ಡ್ ಕೂಡ ವೈರಲ್ ಆಗುತ್ತಿತ್ತು. ಮದುವೆ ಮಾತುಕತೆ ಶುರುವಾಗುತ್ತಿದ್ದಂತೆ ಪರಪ್ಪನ ಅಗ್ರಹಾರ ಜೈಲಿನಲ್ಲಿ ತರುಣ್ ಆಪ್ತ ದರ್ಶನ್ ಅವರನ್ನು ಭೇಟಿಯಾದರು.
ತರುಣ್ ಸುಧೀರ್ ನಿರ್ದೇಶನದ ಕಾಟೇರ ಚಿತ್ರದಲ್ಲಿ ದರ್ಶನ್ ನಟಿಸಿದ್ದರು. ಅಲ್ಲದೇ ಸದ್ಯ ತರುಣ್ ಆಕ್ಷನ್ ಕಟ್ ಹೇಳುತ್ತಿರುವ ಡೆವಿಲ್ ಚಿತ್ರದಲ್ಲಿ ದರ್ಶನ್ ನಾಯಕನಾಗಿದ್ದು, ಚಿತ್ರದ ಬಹುತೇಕ ಕೆಲಸಗಳು ಈಗಾಗಲೇ ಮುಗಿದಿವೆ. ತರುಣ್ ಮತ್ತು ದರ್ಶನ್ ಮಾತ್ರವಲ್ಲ, ಅವರ ತಂದೆ ಸುಧೀರ್ ಮತ್ತು ತೂಗುದೀಪ್ ಶ್ರೀನಿವಾಸ ಕೂಡ ರಂಗಭೂಮಿಯಿಂದ ಆತ್ಮೀಯ ಸ್ನೇಹಿತರು.
ಹೀಗಾಗಿ ಎರಡು ಕುಟುಂಬಗಳು ಉತ್ತಮ ಬಾಂಧವ್ಯ ಹೊಂದಿವೆ. ಅಲ್ಲದೇ ತರುಣ್ ಹಾಗೂ ಸೋನಾಲ್ ಗೆಳೆಯ ದರ್ಶನ್ ಅವರ ಲವ್ ಸ್ಟೋರಿಗೆ ದೊಡ್ಡ ಬೆಂಬಲವಾಗಿ ನಿಂತಿದ್ದರು.ಚಿತ್ರದುರ್ಗ ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ದರ್ಶನ್ ಪರಪ್ಪ ಭಾಗಿಯಾಗಿದ್ದಾರೆ. ಸುಮಾರು 55 ದಿನಗಳಿಂದ ಜೈಲಿನಲ್ಲಿರುವ ದರ್ಶನ್ ಅವರನ್ನು ನೋಡಲು ಸೆಲೆಬ್ರಿಟಿಗಳು ವಾರಕ್ಕೊಮ್ಮೆ ಬರುತ್ತಾರೆ. ತರುಣ್ ಕೂಡ ಭೇಟಿ ನೀಡಿ ಮದುವೆ ವಿಚಾರವಾಗಿ ಚರ್ಚೆ ನಡೆಸಿದ್ದಾರೆ ಎನ್ನಲಾಗಿದೆ.
ಆದರೆ ನೆಟಿಜನ್‌ಗಳು ಗಮನಿಸಿದ್ದು ಏನೆಂದರೆ ತರುಣ್ ಮದುವೆಯಾಗುತ್ತಿರುವ ಛತ್ರದ ಹೆಸರು ಪೂರ್ಣಿಮಾ ಪ್ಯಾಲೆನ್ಸ್ ಕನ್ವೆನ್ಷನ್ ಸೆಂಟರ್. ಇದು ಪಟ್ಟಣಗೆರೆ ಮುಖ್ಯ ರಸ್ತೆಯಲ್ಲಿದೆ. ಪಟ್ಟಣಗೆರೆ ಶೆಡ್ ನಿಂದ ಛತ್ರ ಸುಮಾರು 15-20 ನಿಮಿಷ ದೂರ ಇರುತ್ತೆ ಅನ್ನೋದು ಸ್ಪಷ್ಟವಾಗಿದೆ.
ದರ್ಶನ್ ಮತ್ತು ರೇಣುಕಾಸ್ವಾಮಿ ಕೊಲೆ ಪ್ರಕರಣದ ಬಳಿಕ ಪಟ್ಟಗೆರೆ ಶೆಡ್ ಗೂಗಲ್ ಮ್ಯಾಪ್ ಗೆ ಸೇರ್ಪಡೆಯಾಗಿದೆ. ಅಲ್ಲಿಂದ ದರ್ಶನ್ ಅಭಿಮಾನಿಗಳು, ನೆಟ್ಟಿಗರು ಗೂಗಲ್ ಮ್ಯಾಪ್ ನಲ್ಲಿ ಪಟ್ಟಗೆರೆ ಶೆಡ್ ಗೆ ವಿಮರ್ಶೆ ಬರೆದಿದ್ದಾರೆ. ಡೀಲಿಂಗ್, ಡೈಲಾಗ್, ಫೈಟಿಂಗ್ ಸೀನ್ ಗಳ ಚಿತ್ರೀಕರಣಕ್ಕೆ ಶೆಡ್ ಅತ್ಯುತ್ತಮ ಸ್ಥಳವಾಗಿದ್ದು, ಯಾವುದೇ ಡೀಲಿಂಗ್ ಗಳನ್ನು ಶೆಡ್ ನಲ್ಲಿಯೇ ಬಗೆಹರಿಸಿಕೊಳ್ಳುತ್ತೇವೆ ಎಂದು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ.
ಪಟ್ಟಣಗೆರೆ ಮುಖ್ಯರಸ್ತೆಯಲ್ಲಿರುವ ಈ ಛತ್ರವನ್ನು ತರುಣ್ ಯಾಕೆ ಆಯ್ಕೆ ಮಾಡಿಕೊಂಡಿದ್ದಾರೆ ಎಂಬ ಪ್ರಶ್ನೆ ಅನೇಕರಲ್ಲಿದೆ. ತರುಣ್ ಅಥವಾ ಸೋನಾಲ್ ನಿವಾಸದ ಸಮೀಪವೇ ಇರಬಹುದು ಅಥವಾ ಎಷ್ಟು ಜನ ಬಂದರೂ ಸೇರಿಕೊಳ್ಳಬಹುದು ಎಂಬ ಲೆಕ್ಕಾಚಾರದಲ್ಲಿರಬಹುದು.