WPLAuction Smriti Mandhana: ಬಹು ನಿರೀಕ್ಷಿತ ಮಹಿಳಾ ಪ್ರೀಮಿಯರ್ ಲೀಗ್‌ನ ಮೊದಲ ಹರಾಜಿನಲ್ಲಿ ಮಾರಾಟವಾದ ಮೊದಲ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ಸ್ಮೃತಿ ಮಂದಾನ ಅವರು ₹3.4 ಕೋಟಿಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸೇರಿದ್ದಾರೆ.
26 ವರ್ಷದ ಬ್ಯಾಟರ್ ಸ್ಮೃತಿ ಮಂದಾನ ಅವರ ಮೂಲ ಬೆಲೆ ₹ 50 ಲಕ್ಷ.
ಮುಂಬೈ ಇಂಡಿಯನ್ಸ್ ಮಂದನಾಗೆ ಮೊದಲ ಬಿಡ್ ಮಾಡಿತು. ಆರ್‌ಸಿಬಿ ನಂತರ ಬಿಡ್‌ಗೆ ಸೇರಿಕೊಂಡಿತು. ಭಾರತದ ಟಿ20 ಉಪನಾಯಕನ ಆಯ್ಕೆಗಾಗಿ ಆರ್‌ಸಿಬಿ ಮತ್ತು ಮುಂಬೈ ಇಂಡಿಯನ್ಸ್ ನಡುವೆ ತೀವ್ರ ಪೈಪೋಟಿ ಏರ್ಪಟ್ಟಿತ್ತು. ಮುಂಬೈ ತನ್ನ ಬಿಡ್ಡಿಂಗ್ ಅನ್ನು ₹2.20 ಕೋಟಿಗೆ ಏರಿಸಿತು, ಆದರೆ ಬಿಡ್ಡಿಂಗ್‌ನಿಂದ ಹಿಂದೆ ಸರಿಯದ ಆರ್‌ಸಿಬಿ ಅವರನ್ನು ₹3.4 ಕೋಟಿಗೆ ತಂಡಕ್ಕೆ ಪಡೆದುಕೊಂಡಿತು.
ಮಂದಾನ 112 ಟಿ20 ಪಂದ್ಯಗಳಲ್ಲಿ 2,651 ರನ್ ಗಳಿಸಿದ್ದಾರೆ.
ಸ್ಮೃತಿ ಅನುಭವಿ ಫ್ರಾಂಚೈಸಿ ಕ್ರಿಕೆಟರ್ ಆಗಿದ್ದು, ಮಹಿಳಾ ಬಿಗ್ ಬ್ಯಾಷ್ ಲೀಗ್, ದಿ ಹಂಡ್ರೆಡ್ ಟೂರ್ನಿಗಳಲ್ಲಿ ಆಡಿದ್ದಾರೆ. ಟಿ20 ಮಾದರಿಯಲ್ಲಿ ಅವರು ತಮ್ಮ ಸ್ಥಿರ ಸಾಮರ್ಥ್ಯ ತೋರಿದ್ದಾರೆ.