ಕೇರಳ: ಆಧುನಿಕ ಕೃಷಿ ತಂತ್ರಜ್ಞಾನದ ಕುರಿತು ಸರ್ಕಾರಿ ಪ್ರಾಯೋಜಿತ ಅಧ್ಯಯನದ ಭಾಗವಾಗಿ ಇಸ್ರೇಲ್‌ಗೆ ತೆರಳಿ ನಾಪತ್ತೆಯಾಗಿದ್ದ ಕೇರಳದ ರೈತರೊಬ್ಬರು ಸೋಮವಾರ ಭಾರತಕ್ಕೆ ಮರಳಿದ್ದಾರೆ.
ಸೋಮವಾರ ಮುಂಜಾನೆ 5 ಗಂಟೆಗೆ ಕ್ಯಾಲಿಕಟ್ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಬಂದಿಳಿದ ರೈತ ಬಿಜು ಕುರಿಯನ್ (48) ಸುದ್ದಿಗಾರರೊಂದಿಗೆ ಮಾತನಾಡಿ, ”ಕೇರಳ ಸರಕಾರ, ರಾಜ್ಯದ ಕೃಷಿ ಸಚಿವ ಪಿ.ಪುಸಾದ್, 27 ಸದಸ್ಯರ ನಿಯೋಗ ಮತ್ತು ಅದರ ನೇತೃತ್ವ ವಹಿಸಿದ್ದ ಅಧಿಕಾರಿಗಳ ಕ್ಷಮೆಯಾಚಿಸುತ್ತೇನೆ. “ಎಂದು ಹೇಳಿದರು.
ಕಳೆದ ಫೆಬ್ರವರಿಯಲ್ಲಿ ಇಸ್ರೇಲ್‌ನಿಂದ ಹೊಸ ಕೃಷಿ ತಂತ್ರಗಳ ಅಧ್ಯಯನ ಪ್ರವಾಸವನ್ನು ಮುಗಿಸಿದ ನಂತರ ಅವರು 17 ರಂದು ಭಾರತಕ್ಕೆ ಮರಳಬೇಕಿತ್ತು ಆದರೆ ಅವರು ಜೆರುಸಲೆಮ್ ಮತ್ತು ಬೆತ್ಲೆಹೆಮ್‌ನ ಪವಿತ್ರ ಸ್ಥಳಗಳಿಗೆ ಭೇಟಿ ನೀಡಲು ಹೋಗಿದ್ದೆ ಎಂದು ಹೇಳಿದರು.
ಆದರೆ ಬಿಜು ಕುರಿಯನ್ ನಾಪತ್ತೆಯಿಂದಾಗಿ ನಿಯೋಗದಲ್ಲಿದ್ದ ರೈತರು ಮುಂದೇನು ಮಾಡಬೇಕೆಂದು ತೋಚದೆ ಕಂಗಾಲಾಗಿದ್ದರು. ಘಟನೆಯ ಬಗ್ಗೆ ಸರ್ಕಾರ ತನಿಖೆ ನಡೆಸಲಿದೆ ಎಂದು ರಾಜ್ಯ ಕೃಷಿ ಸಚಿವರು ಹೇಳಿದರು ಆದರೆ ಈಗ ಆತಂಕವು ಕೊನೆಗೊಂಡಿದೆ.
ಮೊಬೈಲ್ ಫೋನ್ ನಲ್ಲಿ ಇಂಟರ್ ನೆಟ್ ಅಥವಾ ಅಂತರಾಷ್ಟ್ರೀಯ ಕರೆ ಸೌಲಭ್ಯ ಇಲ್ಲದ ಕಾರಣ ಸ್ವಲ್ಪ ತೊಂದರೆಯಾಗಿತ್ತು ಆದರೆ ಸ್ಥಳೀಯರ ನೆರವಿನಿಂದ ಮನೆಯವರಿಗೆ ನಾನು ಸುರಕ್ಷಿತವಾಗಿದ್ದೇನೆ ಎಂದು ತಿಳಿಸಿ ಸಹೋದರನ ಸಹಾಯದಿಂದ ಭಾರತಕ್ಕೆ ಮರಳಿದೆ. ಬಿಜು ಕುರಿಯನ್. ಮೇ 8ರವರೆಗೆ ವೀಸಾ ಚಾಲ್ತಿಯಲ್ಲಿದ್ದ ಕಾರಣ ಯಾವುದೇ ತೊಂದರೆ ಇರಲಿಲ್ಲ.