ನಟಿ ಸಾಯಿ ಪಲ್ಲವಿಯ ಸಹೋದರಿ ಪೂಜಾ ಕನ್ನನ್ ನಿಶ್ಚಿತಾರ್ಥ ಹಾಡಿ-ಕುಣಿದು ಎಂಜಾಯ್ ಮಾಡಿದ ಸಾಯಿ ಪಲ್ಲವಿ

Pooja Kannan: ನಟಿ ಸಾಯಿ ಪಲ್ಲವಿ ಮದುವೆ ಸುದ್ದಿ ಆಗಾಗ ಹರಿದಾಡುತ್ತಿದೆ. ಸಾಯಿ ಪಲ್ಲವಿ ಆ ನಟ ಮತ್ತು ಈ ನಿರ್ದೇಶಕರನ್ನು ಮದುವೆಯಾಗಲಿದ್ದಾರೆ ಎಂಬ ಸುದ್ದಿಗಳು ಆಗಾಗ ಬರುತ್ತಲೇ ಇವೆ. ಇತ್ತೀಚೆಗಷ್ಟೇ ಸಾಯಿ ಪಲ್ಲವಿ ಹಾಗೂ ನಿರ್ದೇಶಕರೊಬ್ಬರು ಹಾರ ಹಾಕಿರುವ ಫೋಟೋವನ್ನು ಶೇರ್ ಮಾಡಲಾಗಿದ್ದು, ‘ಸಿಂಪ್ಲಿ ಮ್ಯಾರೀಡ್ ಸಾಯಿ ಪಲ್ಲವಿ’ ಎಂಬ ಸ್ಲೋಗನ್ ಅಡಿಯಲ್ಲಿ ಫೋಟೋ ವೈರಲ್ ಆಗಿತ್ತು. ಆದರೆ ಇದೀಗ ಸಾಯಿ ಪಲ್ಲವಿ ತಂಗಿ ಮದುವೆ ಆಗುತ್ತಿದ್ದು, ಅವರ ನಿಶ್ಚಿತಾರ್ಥವೂ ನಡೆದಿದೆ.

ಸಾಯಿ ಪಲ್ಲವಿ ಸಹೋದರಿ ಪೂಜಾ ಕಣ್ಣನ್ ತನ್ನ ಬಹುಕಾಲದ ಗೆಳೆಯನೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ನಿಶ್ಚಿತಾರ್ಥ ಸಮಾರಂಭದಲ್ಲಿ ನಟಿ ಸಾಯಿ ಪಲ್ಲವಿ ಅವರು ತಮ್ಮ ಕುಟುಂಬ ಮತ್ತು ಸ್ನೇಹಿತರ ಜೊತೆ ಹಾಡಿ ಕುಣಿದು ಸಂಭ್ರಮಿಸಿದರು. ನಿಶ್ಚಿತಾರ್ಥದ ಚಿತ್ರಗಳು ಮತ್ತು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿವೆ.

 

 

ಸಾಯಿ ಪಲ್ಲವಿ ಸಹೋದರಿ ಪೂಜಾ ಕೂಡ ನಟಿ. ಆದರೆ ಪೂಜಾಗೆ ಅಕ್ಕನಷ್ಟು ಯಶಸ್ಸು ಸಿಗಲಿಲ್ಲ. ಪೂಜಾ ಕಣ್ಣನ್ ತಮಿಳಿನ ‘ಚಿತ್ತಿರೈ ಸೆವ್ವನಂ’ ಚಿತ್ರದಲ್ಲಿ ನಟಿಸಿದ್ದಾರೆ. ಆ ಸಿನಿಮಾದಲ್ಲಿ ಸಮುದ್ರಕಿಣಿ ಕೂಡ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದರು. ಆ ಸಿನಿಮಾ ಅಷ್ಟಾಗಿ ಗಮನ ಸೆಳೆಯಲಿಲ್ಲ. ಆ ಸಿನಿಮಾದ ನಂತರ ಪೂಜಾಗೆ ಬೇರೆ ಸಿನಿಮಾದಲ್ಲಿ ಅವಕಾಶ ಸಿಕ್ಕಿರಲಿಲ್ಲ.

 

ಪೂಜಾ ಈಗ ತನ್ನ ಗೆಳೆಯ ವಿನೀತ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾಳೆ. ವಿನೀತ್ ಮತ್ತು ಪೂಜಾ ಹಲವು ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಇವರಿಬ್ಬರ ಪ್ರೀತಿಗೆ ಎರಡೂ ಮನೆಯವರು ಒಪ್ಪಿ ಈಗ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಶೀಘ್ರದಲ್ಲೇ ಈ ಜೋಡಿ ಮದುವೆಯಾಗಲಿದ್ದಾರೆ. ನಿಶ್ಚಿತಾರ್ಥ ಕಾರ್ಯಕ್ರಮದಲ್ಲಿ ಸಾಯಿ ಪಲ್ಲವಿ ಸಾಂಪ್ರದಾಯಿಕ ನೃತ್ಯ ಮಾಡುವ ಮೂಲಕ ಗಮನ ಸೆಳೆದರು. ಸಾಯಿ ಪಲ್ಲವಿ ಜೊತೆಗೆ ಪೂಜಾ ಹಾಗೂ ಕುಟುಂಬದವರು ಕೂಡ ಕುಣಿದು ಕುಪ್ಪಳಿಸಿದ್ದಾರೆ.

 

 

ವಾರದ ಹಿಂದೆ ಪೂಜಾ ತನ್ನ ಗೆಳೆಯ ವಿನೀತ್‌ನನ್ನು ಸಾಮಾಜಿಕ ಜಾಲತಾಣಗಳ ಮೂಲಕ ಪರಿಚಯಿಸಿದ್ದಳು. ಈ ಮುದ್ದಾದ ಹುಡುಗ ನನಗೆ ನಿಸ್ವಾರ್ಥವಾಗಿ ಪ್ರೀತಿಸುವುದರ ಅರ್ಥವನ್ನು ಕಲಿಸಿದನು.ಪ್ರೀತಿಯಲ್ಲಿ ತಾಳ್ಮೆ ಮತ್ತು ಸ್ಥೈರ್ಯ ಮತ್ತು ಅಸ್ತಿತ್ವವನ್ನು ಸುಲಲಿತವಾಗಿ ಇಟ್ಟುಕೊಳ್ಳುವುದು ಹೇಗೆ ಎಂದು ಕಲಿಸಿದರು. ಅವನ ಹೆಸರು ವಿನೀತ್, ಅವನು ನನ್ನ ಜೀವನದ ಕಿರಣ, ನನ್ನ ತಪ್ಪುಗಳ ಭಾಗ, ಈಗ ಜೀವನದ ಭಾಗ ಎಂದು ಬರೆದಿದ್ದಾನೆ.

 

 

ಪೂಜಾ, ಆಕೆಯ ಅಕ್ಕ ಸಾಯಿ ಪಲ್ಲವಿಯ ಮ್ಯಾನೇಜರ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಶೂಟಿಂಗ್, ಪ್ರಚಾರ ಎಲ್ಲದರಲ್ಲೂ ಅಕ್ಕನ ನೆರಳು.ಇತರ ಕಾರ್ಯಗಳಲ್ಲಿ ಸಹೋದರಿಯ ಶೂಟಿಂಗ್ ದಿನಾಂಕಗಳನ್ನು ನಿರ್ವಹಿಸುವುದು ಸೇರಿದೆ. ಇದೀಗ ಪೂಜಾ ಮದುವೆಯಾಗುತ್ತಿದ್ದು, ಅಕ್ಕನ ಮ್ಯಾನೇಜರ್ ಆಗಿ ಮುಂದುವರೆಯುತ್ತಾರೋ ಇಲ್ಲವೋ ಎಂಬುದನ್ನು ಕಾದು ನೋಡಬೇಕಿದೆ.

Leave a Comment